काठमाडाैं । ‘रोड टु युएफसी’ को सेमिफाइनलमा पुगेपछि नेपाली एमएमए फाइटर रविन्द्र ढाँटले सबै नेपाली समर्थकलाई धन्यवाद दिएका छन्।
उनले भने ‘सबै समर्थकलाई धन्यवाद जताततै नेपालीहरुनै नेपालीहरु सपोर्ट गर्न आउनुभएकोमा धन्यवाद।’ उनले प्रशिक्षक तथा युएफसीलाइ पनि धन्यवाद दिएका थिए।
‘रोड टु युएफसी’ सिजन ५ अन्तर्गत आज मकाउको ग्यालेक्सी एरेनामा भएको क्वा्टरफाइनलमा फिलिपिन्सका किम्बर्ट अलिन्टोजोनलाई दोस्रो राउन्डमा हराउँदै सेमिफाइनलमा पुगेका हुन्।
रविन्द्रलाई समर्थन गर्न हजारौं नेपाली समर्थकहरू पुगेपछि उनले खुसी नेपाली दर्शक माझ साँटेका थिए। ढाँट ‘रोड टु युएफसी’मा फाइट जित्ने पहिलो नेपाली फाइटर समेत बनेका छन्।
रविन्द्रले सेमिफाइनलमा जापानका योनुसुके मिनामी र न्युजिल्यान्डका कासिब मुर्डोकबीचको विजेतासँग खेल्ने छन्। रविन्द्रले सुरुमा म्याट्टी इयानसँग खेल्ने तय थियो। म्याट्टी घाइते भएपछि उनलाई फिलिपिन्सका किम्बर्ट अलिन्टोजोनले रिप्लेस गरेका थिए। ब्यान्टमवेटमा प्रतिस्पर्धा गरिरहेका रविन्द्रले यस तौल समूहमा विजेता बने युएफसीको अनुबन्धन प्राप्त गर्ने पहिलो नेपाली बन्ने छन्।
