CAN, WM FIFA 2026, Vorrunde, Kanada vs Bosnien-Herzegowina / 12.06.2026, Toronto Stadium, Toronto, CAN, WM FIFA 2026, Vorrunde, Kanada vs Bosnien-Herzegowina, im Bild Ismael Kone Kanada, Tarik Muharemovic Bosnien *** CAN, World Cup FIFA 2026, preliminary round, Canada vs Bosnia and Herzegovina 12 06 2026, Toronto Stadium, Toronto, CAN, World Cup FIFA 2026, preliminary round, Canada vs Bosnia and Herzegovina, in the picture Ismael Kone Canada , Tarik Muharemovic Bosnia nordphotoxGmbHx/xBratic nph00250
काठमाडौं । काइल लारिनले दोस्रो हाफमा गरेको गोलमा क्यानडाले फिफा विश्वकप २०२६ को तेस्रो खेलमा बोस्निया एन्ड हर्जगोभिनासँग बराबरी खेल्दै अंक खोसेको छ ।
क्यानडाको टोरन्टो स्टेडियममा भएको खेलमा घरेलु टोली क्यानडा र बोस्निया एन्ड हर्जगोभिनाले १–१ को बराबरी खेलेका हुन् । तेस्रो पटक विश्वकप खेलिरहेको क्यानडाले यो बराबरीपछि पहिलो अंक समेत जोडेको छ ।
यसअघि दुई विश्वकप खेल्दा क्यानडा सबै ६ खेलमा पराजित भएको थियो । घरेलु मैदानमा पहिलो पटक विश्वकप खेलिरहेको क्यानडाले ऐतिहासिक खेलमा जित निकाल्ने लक्ष्य भने पूरा हुन सकेन ।
तर पहिलो अंक जोड्दै क्यानडाले फिफा विश्वकप २०२६ मा भने सुखद सुरुवात गरेको छ ।
जोभो लुकिचले खेलको २१औं मिनेटमा हेडमार्फत गोल गर्दै बोस्निया एन्ड हर्जगोभिनालाई सुरुवाती अग्रता दिलाएका थिए । तर, बोस्निया एन्ड हर्जगोभिनाले त्यो अग्रता जोगाउन सकेन ।
क्यानडाले ७९औं मिनेटमा बराबरी गोल फर्कायो । काइल लारिनले शानदार कन्ट्रोलका साथ गोल गर्दै क्यानडालाई बराबरीमा फर्काएका थिए । त्यसपछि दुवैतर्फबाट थप गोल हुन सकेन र दुवै टोलीले एक-एक अंक बाँडे ।
