काठमाडौ, ३१ भदौ–नेपालको संविधान २०७२ दुई तिहाई मतले पारित भएको छ। बुधबार बसेको संविधानसभाको बैठकले नयाँ संविधान दुई तिहाई मतले पारित गरेको हो ।
संविधानसभामाफैत संविधानका सबै धारामा मदतानको काम सकेपछि संविधानलाई दुई तिहाई मतले पारित गरिएको हो । हाल संविधानसभामा रहेका ५९८ सदस्य मध्ये ५०७ सदस्यले नेपालको संविधानको पक्षमा मतदान गरेका थिए । त्यस्तै राप्रपा नेपालका २५ जनाले विपक्षमा मतदान गरेका थिए।
राप्रपा नेपालले आफ्नो प्रस्ताव संविधानसभाबाट अस्वीकृत भएपछि संविधानको विपक्षमा मतदान गरेको हो।
अन्तरिम संविधान २०६३ को धारा ७० र संविधानसभा नियमावली २०७० मा संविधानसभाको कुन सदस्य संख्याको दुई तिहाई बहुमतले संविधान पारित गर्नुपर्ने प्रावधान रहेको छ ।
