काठमाडाैं / दाजुभाइ तथा दिदीबहिनी नहुनेहरुले आज रानीपोखरीस्थित बालगोपालेश्वर मन्दिर परिसरमा एकअर्कालाई भाइटीका लगाएका छन् ।
भूकम्पले क्षतिग्रस्त बनेको मन्दिर पुनःनिर्माण हुन नसक्दा मन्दिरको मूलढोकामै भाइटिका लगाउने व्यवस्था गरिएको छ ।
भाइटीकाको दिनमा दाजुभाई नहुने दिदी बहिनी र दिदी बहिनी नहुने दाजुभाई टिका थाप्न आउने हुदा बिहानैदेखि मन्दिर खुला गरिएको हो ।
हरेक वर्ष भाइटीकाको दिनमा मात्रै खुल्ने काठमाडौंको रानीपोखरीको बीचमा रहेको यमलेश्वर बालगोपाल मन्दिर पनि खुला भएको छ ।
राजा प्रताप मल्लले बनाएको यो मन्दिर आज दिनभर नै खुला रहनेछ ।
