काठमाडौं / राष्ट्रिय समाजवादी पार्टी नेपालले आज प्रतिनिधिसभामा चिकित्सा शिक्षा विधेयक पारित भएकोप्रति गम्भीर ध्यानाकर्षण गराएको छ ।
राष्ट्रिय समाजवादी पार्टी नेपालका संयोजक रुद्रजङ पुलामीले एक प्रेस विज्ञप्ति जारी गर्दै नेपाल सरकारले सिमित मुट्ठीभर नवसामन्त, माफीया, दलाल नोकरशाही, तीनका नेताको हितमा हुने र आम जनताको अहितमा हुने गरी ल्याइएको चिकित्सा शिक्षा विधेयक संसदबाट पारित गरिएकोमा खेद प्रकट सहित घोर भर्त्सना गरेको छ ।
प्रतिनिधिसभा बैठकले प्रतिपक्षी दलको विरोध भए पनि सो विधेयक पारित गरेकोप्रति आपत्ति जनाएको हो ।
