काठमाडौं / नेपाल आदिवासी जनजाति पत्रकार महासंघ (फोनिज) प्रदेश नं ३ को ऐतिहासिक प्रथम महाधिवेशन आजदेखि नुवाकोटमा सुरु हुँदैछ ।
आदिवासी जनजाति कुलमा जन्मिएर पत्रकारिता पेशामा आवद्ध पत्रकारहरुको साझा संगठनको रुपमा रहेको फोनिजको महाधिवेशन नुवाकोटमा चैत १ र २ गते सुरु हुन लागेको हो ।
नुवाकोटको सदरमुकाम विदुरमा हुने अधिवेशनको प्रतिनिधि सभा सदस्य तथा पूर्व खेलकूल यूवा मन्त्री माननीत हितबहादुर तामाङले उद्घाटन कार्यक्रम रहेको फोनिज प्रदेश नं ३ का संयोजक समिर बलामीले जानकारी दिए ।
फोनिजले आदिवासी जनजाति पत्रकारको हकहितका साथै व्यावसायिक पत्रकारिताको माध्यममार्फत देश र जनताको विकासका लागि महत्वपूर्ण योगदान दिँदै आएको छ । पत्रकारको दक्षता अभिवृद्धि गर्ने, सञ्चार पैरवी गर्ने जस्ता समाजसेवी भावनाबाट विभिन्न किसिमका अभियानहरु सञ्चालन गर्दै आएको छ ।
अधिवेशनमा प्रदेश नं ३ का १३ वटै जिल्लाबाट १ सय ४० प्रतिनिधिको सहागीता हुनेछ । देश संघिय संरचनामा गइसकेपछि फोनिजले पहिलो पटक प्रदेश महाधिवेशन सुरु गरेको हो ।