काठमाडौं– नेपाली कांग्रेसका प्रदेश ३ का प्रदेश सांसदहरुले पाँच दिनमा पाइने सुविधावापतको रकम बाढीपहिरो पीडितलाई दिने भएको छ।
कांग्रेस ३ नम्बर प्रदेश संसदीय दलले शुक्रबार एक विज्ञप्ती जारी गर्दै ५ दिनको सेवासुविधा बाढीपहिरो र डुवानबाट प्रभावितलाई वितरण गर्न राहतस्वरुप प्रदेश सरकारलाई उपलब्ध गराउने जनाएको हो।
नेपाली कांग्रेस प्रदेश ३ संसदीय दलका नेता इन्द्रबहादुर बानियाँद्वारा हस्ताक्षरित विज्ञप्तिमा बाढी, पहिरो र डुवानमा परी भएको जनधनको क्षति दुःख व्यक्त गर्दै प्रदेश सरकारसमक्ष पीडितलाई तीन लाखका दरले प्रतिपरिवार राहतस्वरुप रकम उपलब्ध गराउनसमेत माग गरेको छ।
प्रदेश ३ मा कांग्रेसको तर्फबाट २१ जना प्रदेश सांसद रहेका छन्।
