धनुषा / प्रदेश नं २ को मंगलबार बसेको प्रदेशसभा बैठकबाट लोक सेवा विधेयक पारित भएको छ ।
प्रदेश लोक सेवा आयोगको गठन काम, कर्तव्य र अधिकारको सम्बन्धमा व्यवस्था गर्न बनेको विधेयक सर्वसम्मत पारित भएको हो ।
झण्डै अढाइ महिनापछि प्रदेश लोक सेवा विधेयक पारित भएको हो ।
विधेयक पारित भएसँगै प्रदेश नं २ सरकारलाई लोक सेवा आयोगको गठन गरी कर्मचारी भर्ना गर्ने बाटो खुलेको छ ।
प्रदेशसभामा पेश भएको यो विधेयकमाथि सैद्धान्तिक छलफल भई विशेष छलफलका निम्ति चार जना सांसद रहेको विशेष समितिमा पठाइएको थियो ।
विधेयकलाई सांसद परमेश्वर साह, रामाशिष यादव, रामसरोज यादव, गायत्री साहसहितको समितिले संशोधनसहित पारित गरेको जानकारी दिए ।
