विज्ञान र प्रविधिको क्षेत्रमा ‘5जी’को चमत्कार, विरामी अस्पताल जानै नपर्ने घरमै बसेर उपचार

469

काठमाडौं । सूचना प्रविधिको विकासले विश्वमा नयाँ–नयाँ चमत्कारहरु भइरहँदा अबको चमत्कार ‘5जी’ इन्टरनेट सेवाले गर्नेवाला छ । ‘5जी’ प्रविधिमा गइसकेपछि संसारमा के–के चमत्कार होला त ? यो प्रश्न सबैको मष्तिस्कमा गुन्जिन सक्छ । फाइभजीले ल्याउने परिवर्तनका बारेमा अहिले विश्वमा विभिन्नखाले प्रयोग र विश्लेषणहरु हुन थालेका छन् ।
चिनियाँ स्मार्ट फोन तथा इन्टरनेट सेवा प्रदायक कम्पनी हुवावेले चीनमा यसैसाता एसिया प्यासिफिक इनोभेसन कार्यक्रम आयोजना गरेको थियो । उक्त कार्यक्रममा अष्ट्रेलिया, नेपाल, सिंगापुर, बंगलादेश, भारत, श्रीलंका र मलेसिया लगायतका देशका प्रतिनिधिहरुको सहभागिता थियो । यो कार्यक्रममा देखाईएका ‘5जी’ सम्बन्धी केही फिचरहरु यस्ता छन् :

‘5जी’ बस सेवा
फाइभजी इन्टरनेटको आगमनबाट प्रयोगमा आउने अर्को अत्याधुािक प्रविधि भनेको फाइभजी बस सेवा हो । फाइभजी बसभित्र यात्रा गर्ने यात्रुले आँखाले देख्न नसकिने अगाडिका दृश्यहरु स्क्रिनको सहायताले गाडीभित्रै रियल टाइममा ८– के मा हेर्न सक्छन् । एक ठाउँमा बस चडेका मानिसले अर्काे स्टेशनमा क–कसले गाडी कुरिरहेका छन् भनेर देख्न सक्छन् । यो प्रविधिमा ठ्याक्कै मानिसको अनुहार ठम्याउन सकिन्छ । यसका साथै अगाडिको बाटोमा जाम छ कि छैन, बाटो बिग्रिएको, भत्किएको छ कि भनेर गाडीभित्रैबाट देख्न सकिनेछ ।

‘5जी’ हेल्थ केयर सेवा

‘5जी’को एउटा महत्वपूर्ण चमत्कार भनेको शहरको सुविधासम्पन्न अस्पतालमै बसेर एक हजार किलोमिटर टाढाको गाउँमा स्वास्थोपचार सेवा प्रदान गर्न सक्नु हो । यो प्रविधिमा बिरामी डाक्टरको सामुन्नेमा उपस्थित भइरहनुपर्दैन, भर्चुअल रुपमै कतिपय उपचारहरु गर्न र गराउन सकिन्छ ।

यसैसाता चीनको छेन्दुमा अवस्थित जन अस्पतालका डाक्टरहरुले केही प्राक्टिकल गरेर देखाएका छन् । उनीहरुले दुर्गममा रहेका बिरामीको एक्स रे शहरबाटै गर्न सकिने कुरा स्पष्ट पारे । यसरी गरिने एक्स रे दुई किसिमले गर्न सकिने जनाईएको छ ।

पहिलो– गाउँमा रहेका स्वास्थ्यकर्मीले बिरामीको अल्ट्रासाउण्ड गर्छन्, र त्यसलाई शहरमा रहेका सिनियर चिकित्सकले रियल टाइममा स्क्रिनमा हेर्छन् । फाइभजीले इन्टरनेटको माध्यमबाट देखाउने भिडियो ‘रियल टाइम’ मा मात्र हुँदैन, अहिलेको भन्दा चौबर ठूलो, अर्थात ८–के साइजमा देखाइदिन्छ ।

भर्चुअल एक्स रेको अर्को तरिका चाहिँ झनै गज्जपको छ । दुर्गममा रहेको बिरामीलाई डाक्टरले शहरमा आफ्नै कम्युटर छेउमा रहेको विशेष प्रकारको माउस प्रयोग गरेर आफैं नै एक्स रे गर्न सक्छन्, यसमा बिरामीको नजिक अर्को चिकित्सकले काम गर्न आवश्यक पर्दैन ।
जन अस्पतालका चिकित्सकहरुका अनुसार कतिपय सामान्य चेक जाँच एवं शल्यक्रिया समेल भर्चअल विधिबाट गर्न सकिन्छ । कुनै ठूलो दूर्घटनामा परेका बेला चाँडो अस्पताल पुर्‍याउन नसकिएका बिरामीहरुका लागि यो प्रविधिले लाभ पुर्‍याउँछ ।

भर्चुअल हेल्थ केयरको विकास सँगसँगै ५जी एम्बुलेन्सहरु प्रयोगमा आउन थाल्नेका छन् । चीनले कतिपय शहरमा यस्ता फाइभजी एम्बुलेन्सहरु व्यवहारिक रुपमा प्रयोगमा ल्याउन थालेको छ ।

फाइभजी प्रविधिले इन्टरनेटका प्रवाह गर्ने भिडियो वा अडियो रियल टाइममा र ठूलो अहिलेको भन्दा चौबर ठूलो साइजमा देखाउने भएकाले टेलिभिजनको स्क्रिनमा देखिने दृश्यहरु अहिलेका भन्दा आकर्षक र वास्तविक जस्ता लाग्नेछन् ।

यसका अतिरिक्त फाइभजीले गर्न सक्ने चमत्कारहरुबारे विभिन्नखाले ‘प्रेडिक्सन’ भइरहेका छन् । तरकारी र फलफूल रोर्बटबाटै टिप्न सकिने, कार्यालयमा बसेर आफ्नो घरका कतिपय कामहरु गर्न सकिने जस्ता विश्लेषणहरु गरिँदै आएका छन् ।

यो नयाँ प्रविधिबाट वन्यजन्तु संरक्षण, वातावरणको संरक्षण, वालवालिकाको शिक्षामा सहजता, स्वास्थोपचारमा सहजता लगायतका थुप्रै कामहरु गर्न सकिने विश्लेषणहरु गरिएका छन् ।

LEAVE A REPLY

Please enter your comment!
Please enter your name here