लकडाउनमा पनि नेकपाका नेता पुनः गिरफ्तार

76

काठमाडौं – संसारभर  कोरोना भाइरसको संक्रमण बढिरहेको बेलामा अधिकाशं देशहरूले ठूलाठूला केसका कैदी बन्दीलाई रिहाइ गरिरहेको समयमा दाङमा भने राजनीतिक आस्थाका बन्दीहरूलाई पनि अमानवीय तरिकाले प्रहरीले पुनः गिरफ्तार गरेर एक जिल्लाबाट अर्को जिल्ला लगेको छ । नेपाल कम्युनिस्ट पार्टीका ३ नेतालाई हिजाे मंंगलबार प्रहरीले पुनः गिरफ्तार गरेको हो ।

नेपाल कम्युनिस्ट पार्टीका केन्द्रीय सदस्य तथा तत्कालीन राप्ती ब्युरो इन्चार्ज केश बहादुर बाठा मगर ‘सुवास’, पार्टीकै तत्कालीन रोल्पा इन्चार्ज सन्तोष सुवेदी ‘प्रयास’ र पोष्टमान घर्ती मगरलाई दाङ जिल्ला अदालतमा धरौटी दाखिला गरि रिहा हुन खोज्दा पनि प्रहरीले पुनः गिरफ्तार गरेको हो । लामो समय घोराही हिरासतमा रहेको बेला यसअघि नै दाङ देउखुरी जिल्ला अदालतले प्रति व्यक्ति १५ हजार धरौटीमा सबैलाई रिहा गर्न आदेश दिएको थियो । तर त्यतिबेला धरौटी नराखेको भन्दै पुनः गिरफ्तार गरेर दाङ कारागार त्यसपछि रोल्पा कारागार हुदै फेरि तुलसीपुर कारागार ल्याएको थियो । तीन जनालाई मंगलबार धरौटी दाखिला गरि रिहा भइसकेको समयमा गेटभित्रैबाट पुनः गिरफ्तार गरेर बाँके जिल्ला लगिएको छ ।

यसै बीच, लकडाउन भएको बेला सबै आ( आफ्नो घर तथा ठाउँमा सुरक्षित भएर बस्ने समयमा गरिएको पुनः गिरफ्तारीप्रति नेपाल कम्युनिस्ट पार्टी दाङका जिल्ला सेक्रेटरी भगवानराजले घोर भत्र्सना गर्दै सम्पूर्ण राजबन्दीहरुको स्वास्थ्यमाथि खेलवाड नगर्न आग्रह गरेका छन । जताततै कोरोना भाइरसको संक्रमित बढिरहेको यस समयमा पनि विनाकारण पटकपटक गिरफ्तार गरिनुलाई वर्तमान दलाल सरकार नागरिकप्रति वेवास्ता गरिएको छर्लङ्ग भएको उनको प्रतिक्रिया थियो । नेपाल कम्युनिस्ट पार्टीले आफ्नो सम्पूर्ण संघर्षको कार्यक्रम स्थगित गरिसकेको समयमा अहिले पनि नेकपाका सयौं नेताकार्यकर्तालाई देशका विभिन्न जिल्लामा जेल हिरासतमा बन्दी बनाइरहेको छ ।

LEAVE A REPLY

Please enter your comment!
Please enter your name here