फेस्टिभल कोरोना महामारीका कारण निर्धारित मितिमा हुन नसक्ने भएकाले आगामी २३ देखि २७ वैशाखमा आयोजना गरिने आयोजकले जनाएको हो । नेपाल चलचित्र तथा सांस्कृतिक प्रतिष्ठानको आयोजनामा बर्सनि हुँदै आएको फेस्टिभलको नयाँ मिति तोकिएको आयोजक संस्थाका अध्यक्ष केपी पाठकले विज्ञप्तिमार्फत जनाएका छन् ।
‘महामारीका कारण फिल्म मेकर चाहेर पनि फेस्टिभलमा सहभागी हुन सक्ने अवस्था छैन । भर्चुअल रूपमा गर्ने विकल्प हामीलाई खास प्रभावकारी नहुने देखिएपछि केही समय कुर्दा पुरानै स्वरूपमा फेस्टिभल गर्न सकिन्छ भन्ने अपेक्षासहित केही समयलाई स्थगित गर्ने निर्णय गरेका हौं,’ अध्यक्ष पाठकले भने
पूर्वनिर्धारित मितिमा फेस्टिभल गर्नेगरी विश्वभरका फिल्ममेकरबाट फेस्टिभलमा सहभागिताका लागि आयोजकले आवेदन पनि खुला गरेको थियो । २०२० को जुलाई १ देखि नोभेम्बर ३० सम्म तोकिएको समयावधिमा ५२ देशका ४ सय चलचित्रले सहभागिताको लागि आवेदन दिएका छन् । यसरी प्राप्त फिल्ममध्येबाट छानिएका फिल्मको सूची यही फेब्रुअरी २० सार्वजनिक गरिने आयोजक संस्थाका अध्यक्ष पाठकले जनाएका छन् ।
यस्तै, भने इन्टरनेसलन फेड्रेसन अफ फिल्म सोसाइटीको जुरीको तर्फबाट आईएफएफएस डोन क्युजोटो अवार्ड पनि प्रदान गरिनेछ । यसैगरी, अन्तर्राष्ट्रिय विधातर्फ सर्वोत्कृष्ट वृत्तचित्रलाई १ हजार डलर राशिको माउन्ट एभरेस्ट अर्वाड, सर्वोत्कृष्ट एनिमेटेड चलचित्रलाई ७५० डलर राशिको मञ्जुश्री अवार्ड, सर्वोत्कृष्ट लघु चलचित्रलाई ५ सय डलर राशिको बाग्मती अर्वाड प्रदान गरिने पनि अध्यक्ष पाठकले जानकारी गराए ।
यस्तै नेपाली प्रतिस्पर्धाअन्तर्गत उत्कृष्ट फिचर फिल्मलाई १ लाख रुपैयाँ, उत्कृष्ट सर्ट फिल्मलाई ५० हजार रुपैयाँ र सर्ट फिल्ममध्येबाट उत्कृष्ट फिल्म निर्देशकलाई ट्रफी प्रदान गरिनेछ । योबाहेक फिचर फिल्म विधातर्फका उत्कृष्ट निर्देशक, लेखक, छायाँकार, अभिनेता र अभिनेत्रीलाई पनि ट्रफी प्रदान गरिनेछ ।
