काठमाडाैं । जोर्डनका विदेशमन्त्रीले इजयलको नीति हमास लडाकु सिध्याउने नभएर गाजाका प्यालेस्टाइनी जनसंख्या भगाउने भएको जनाएका छन् ।
कतारको दोहामा आयोजना भएको कूटनीतिज्ञहरुको मंच दोहा फोरममा बोल्दै जोर्डनका विदेशमन्त्री एमन सफादीले यस्तो बताएका हुन् । उनले इजरायले जित्न नसक्ने भन्दै अहिले नै सारा क्षेत्रलाई नै दुस्मन बनाएर रणनीतिक हार बोहोरिसकेको जनाएका छन् ।
उनले संयुक्त रास्ट्रसंघको सुरक्षा परिषदमा भिटो पावर प्रयोग गरे पनि अमेरिकाले पनि इजरायललाई सैन्य रणनीति बदल्न आग्रह गरिरहेको जनाएका छन् ।
इजरायलले अरब क्षेत्रका नागरिकलाई पुस्तौँसम्म नकरात्मक सोच्ने अवस्था ल्याएको समेत उनले जनाएका छन् । जोर्डनका विदेशमन्त्रीको यो समाचार रुसी समाचार संस्था आरटीले प्राथामिकताकासाथ प्रकाशन गरेको छ ।
