वाशिङ्टन डीसी । अमेरिकी कंग्रेसको तल्लो सदन हाउस अफ रिप्रेजेन्टेटिभ्सले देशभरमै चिनियाँ सर्ट भिडियो सेयरिङ एप टिकटकमाथि प्रतिबन्ध लगाउने सक्ने विधेयक पारित गरेको छ ।
विधेयकले अमेरिकामा टिकटकको बहुसङ्ख्यक स्वामित्व बेच्न होइन भने निषेधको सामना गर्न ६ एपको मातृ कम्पनी बाइटडान्सलाई ६ महिनाको समय दिनेछ ।
बाइटडान्सले केम्यान आयल्यान्डमा टिकटकलाई दर्ता गरेको छ । अमेरिका र यूरोपभर यसका कार्यालय छन् । विधेयक सिनेटबाट पनि पारित भयो भने अमेरिकाले एपमाथि प्रतिबन्ध लगाउने निश्चित छ । चीनको राष्ट्रिय सुरक्षा कानुनले कम्पनीहरूलाई सरकारले मागेको डेटामा पहुँच दिन बाध्य बनाएको छ । चिनियाँ कम्पनीहरूमार्फत चीन सरकारले अमेरिकामाथि जासुसी गर्न सक्ने भन्दै अमेरिकाले चिनियाँ कम्पनीहरूमाथि कडाइ गरिरहेको छ ।
यस आरोपको खण्डनमा टिकटकले १५ करोड अमेरिकी टिकटक प्रयोगकर्ताको डेटा चीनमा रहेका बाइटडान्सका कर्मचारीले हेर्न नसक्ने दाबी गरिरहेको छ । आफ्नो प्रयोगकर्ताका डेटा सुरक्षित राख्न र एपमा चलखेल हुन नदिन कम्पनी प्रतिबद्ध रहेको टिकटकका प्रमुख कार्यकारी शोउ जि चिउले भन्दै आएका छन् ।