काठमाडौं । नेपाली कम्युनिस्ट पार्टीका संयोजक यति बेला रुकुम र रोल्पातिर व्यस्त छन् । १० वर्षे सशस्त्र संघर्षपछि देशका विभिन्न ६ वटा क्षेत्र पुगेर चुनाव लडिसकेका उनी यस पटक रुकुम पूर्व पुगेका छन् ।
अन्य दलका नेताहरूलाई चुनावी परिणाम आफ्नो पक्षमा पार्न धौधौ परिरहेका बेला प्रचण्ड भने ढुक्कले रोल्पा र रूकुमका डाँडाकाँडा डुलिरहेका छन् ।
उनी ‘जनयुद्ध’का क्रममा सेल्टर बनाएर बसेको रूकुम पूर्वस्थित भुमे गाँउपालिका-७ लावाङको घरमा बिहीबार पुगे। जहाँ उनले आफू बसेको घर, कोठा र खाटसमेत अवलोकन गरे ।
प्रचण्डले त्यसक्रममा भावुक हुँदै जनयुद्धकालीन समयको स्मरण गरेर स्थानीयलाई केही सन्देश पनि दिने प्रयास गरे । उनी युद्धकालीन सेल्टरमा छिर्नुअघि महत गाउँ पुगेर स्थानीय महिलाहरूसँग नाचे । प्रचण्डले स्थानीय लोकबाजाको तालमा तालमा नाचेर हिजोका दिनको स्मरण गरे।
