दलीय विद्यार्थी संगठन हटाउन निर्देशन

ती विश्वविद्यालय र स्वास्थ्य विज्ञान प्रतिष्ठानका कुलपतिसमेत रहेका प्रधानमन्त्रीले उपकुलपतिहरूसँग करिब ३ घण्टा प्रधानमन्त्री कार्यालयमा छलफल गरेका थिए । ‘दलीय विद्यार्थी संगठन हटाउनुस् । गैरदलीय रूपमा स्वतन्त्र विद्यार्थी युनियन रहन सक्छ । अतिक्रमित जग्गा फिर्ता ल्याउनुस् । दोषीलाई कारबाहीका लागि मन्त्रालयमा लेखी पठाउनुस,’ प्रधानमन्त्रीको भनाइ उद्धृत गर्दै छलफलमा सहभागी एक उपकुलपतिले भने, ‘शैक्षिक क्यालेन्डर लागू गर्नुस । सकिन्छ भने एक महिनाभित्रै नतिजा प्रकाशित गर्नुस् । उहाँले विश्वविद्यालयमा कुनै पनि सुधारको काम गर्न सरकारको जुनसुकै साथ र सहयोग रहन्छ भन्नुभयो ।’ विश्वविद्यालय र प्रतिष्ठानमा कुनै पनि बहानामा राजनीतिक गतिविधि गर्न नहुने अडानमा प्रधानमन्त्री रहेको उनको सचिवालयले जनाएको छ ।