काठमाडौं । ब्राजिलका वामपन्थी नेता लुइज इनासियो लुला डा सिल्भा चौथो कार्यकालका लागि भएका छन्। आइतबार सम्पन्न निकै प्रतिस्पर्धात्मक एवं तनावपूर्ण दोस्रो चरणको निर्वाचनमा उनले दक्षिणपन्थी उम्मेदवार तथा पूर्वराष्ट्रपति जाइर बोल्सोनारोका छोरा सिनेट रोबर्टो फ्लाभियो बोल्सोनारोलाई पराजित गरेका हुन् ।
सुप्रीम इलेक्टोरल कोर्टले जारी गरेको आधिकारिक नतिजा अनुसार ९९.८ प्रतिशत भन्दा बढी मतगणना सकिँदा ८० वर्षीय लुलाले ५१।७६ प्रतिशत मत प्राप्त गरेका छन् भने उनका प्रतिस्पर्धी फ्लाभियो बोल्सोनारोले ४८.२४ प्रतिशत मत ल्याएका छन्।
पछिल्लो समय ल्याटिन अमेरिकाका अर्जेन्टिना, चिली र कोलम्बिया जस्ता ठूला देशहरूमा दक्षिणपन्थी नेताहरू सत्तामा आउने क्रम बढेको भए पनि ब्राजिलमा भने लुलाले जित हात पार्दै सो लहरलाई रोकेका हुन् ।
लुलाले यसअघि सन् २००३ देखि २०१० सम्म र सन् २०२३ देखि यता ब्राजिलको नेतृत्व सम्हाल्दै आएका छन्। यो जितसँगै उनले संसदमा मजबुत रहेको दक्षिणपन्थी गठबन्धन र विभाजित जनमतको सामना गर्दै सरकार चलाउनुपर्ने चुनौती छ।
