सुपरस्टार अनमोल केसीको फिल्म ‘गाजलु’ बाट डेब्यु गरेकी अभिनेत्री तथा पूर्व मिस नेपाल सृष्टि श्रेष्ठ अझै पनि आफूलाई अभिनेत्रीको रुपमा स्थापित गर्न संघर्षरत छिन् ।
केही वर्षदेखि अभिनेता सौगात मल्लसँँगको अफेयरमा रहेकी उनको फिल्म कमाईको मामलामा सफल नभएपनि उनको अभिनयको भने खुब प्रशंसा भएको थियो ।
अब उनको तेस्रो फिल्म ‘बाँध मायाले’ यही शुक्रवारबाट प्रदर्शनमा आउँदैछ । यसमा उनको जोडी अभिनेता आर्यन अधिकारीसँग बाँधिएको छ । सविर श्रेष्ठ निर्देशित फिल्ममा उनी एक सोझी गाउँले युवतीको भूमिकामा छिन् । उनी यो फिल्म आफ्नो लागि विशेष रहेको जनाएकी छिन् ।
अनमोललाई आफ्नो मिल्ने साथी मात्र भन्न रुचाउने सृष्टि भविष्यमा अनमोलसँग फेरि काम गर्न इच्छुक रहेको जनाउँछिन् ।
