डडेल्धुरा– डडेल्धुरा सदरमुकाममा ट्याक्टर दुर्घटना हुँदा एक जनाको मृत्यु भएको छ। बुधबार साँझ से२त १०४५ नम्बरको ट्याक्टर अमरगढी नगरपालिका–५, खलंगा खानेपानी ट्ङ्याकी नजिकै दुर्घटना भएको थियो ।
प्रहरीका अनुसार दुर्घटनामा भागेश्वर गाउँपालिका–४ का २८ वर्षीय सुरेश विष्ट (समीर) घाइते भएका हुन् । घाइते विष्टलाई डडेल्धुरामा उपचार हुन नसकेपछि बाहिर रिफर गरिएको थियो । उनको उपचारका लागि लैजाँदै गर्दा बाटोमै मृतयु भएको हो ।
ट्याक्टर सडकभन्दा करिब ५० मिटर तल खसेको जिल्ला प्रहरी कार्यालय डडेल्धुराले जनाएको छ । दुर्घटनाको कारण भने खुलेको छैन।
उनी कुमारी बैंक डडेल्धुराका क्रेडिट मेनेजर तथा रेडियो अमरगढी ९७।४ मेगाहर्ज डडेल्धुराका ‘एकाउन्टेन्ट’ समेत रहेको जनाइएको छ ।
