काठमाडौं / जापानमा नेपाली विद्यार्थीहरुद्वारा गठित दुई संस्था नेपाल जापान विद्यार्थी समाज र नेपाली विद्यार्थी समाज जापान (नेसाज) को एकता अधिवेशनबाट अध्यक्षमा कृष्ण भुषाललाई सर्वसम्मत चयन गरेको छ । आइतबार नागोया स्थित ओका कैकान सभाहलमा सम्पन्न एकता अधिवेशनले भुषालको अध्यक्षमा १५ सदस्यीय कार्यसमिति चयन गरेको हो ।
अधिवेशनले संस्थाको नाम नेपाली विद्यार्थी समाज जापान (नेसाज) रहने निर्णय गरेको छ ।
वरिष्ठ उपाध्यक्षमा प्रकाश भण्डारी क्षेत्री, उपाध्यक्षमा शंकर भुषाल र बिपिन हुमागाई, क्षेत्रीय उपाध्यक्षमा दामोदर वस्ती, महासचिवमा अजय राना, सचिवमा सुमन केसी, सह-सचिवमा सन्तोष पन्त, कोषाध्यक्षमा विकाश अधिकारि र सह-कोषाध्यक्षमा पवन श्रेष्ठ चयन भएका छन् ।
सदस्यहरुमा क्रमश : रीतु थापा, केशव सुबेदी, सागर भण्डारी क्षेत्री, सुनिल ज्ञावली, सुरेन्द्र गिरी, दिनेश महर्जन, रिन्कु कार्की, सुदिप पाण्डे, राजन भट्टराई, दीपक अधिकारी र कृष्ण बखती निर्वाचित भएका छन् । संस्थाको मुख्य संरक्षकमा चेतन पौडेल र संरक्षकमा तेज प्रसाद गुरुङलाई चयन गरेको छ ।
अधिवेशनमा परदेशी गायकको उपनामबाट चिनिने लोक गायक सूर्य खड़का, श्याम शीतल, नव पप गायक शालीन लामा र शूशील ज्ञवाली लगायतको बेजोड सांगीतिक प्रस्तुती दिएका थिए ।
