काठमाडौं–सोह्रखुट्टेमा ग्यास सिलिन्डर बिस्फोट भएको छ । निलकुुमारी क्षेत्रीको चार तले घरमा ग्यास सिलिन्डर बिस्फोट भएको हो। बिस्फोटबाट ११ जना घाइते भएको महानगरीय प्रहरी परिसर काठमाडौंका प्रवक्ता एसपी सोमेन्द्रसिंह राठौरले जानकारी दिए।
घाइतेहरुलाई पिपुल्स अस्पताल र मनमोहन अस्पतालमा उपचारका लागि पठाइएको छ । केहीको भने अवस्था गम्भीर रहेको छ । बिस्फोटबाट वरपरका १० घरमा समेत क्षति पुगेको एसपी राठौरले बताए। ‘बिस्फोट भएको घरको पर्खालहरु सबै भत्केको छ । वरपरका घरहरुका समेत सिसी फुटेका छन्’ एसपी राठौरले भने ।
