काठमाडाैं । नेपाली राष्ट्रिय क्रिकेट टोलीका सदस्य कुशल भूर्तेल र कप्तान ज्ञानेन्द्र मल्लको बरियतामा सुधार आएको छ ।
अन्तर्राष्ट्रिय क्रिकेट परिषद् (आईसीसी) ले जारी गरेको टी २० क्रिकेटको पछिल्लो वरियतामा भूर्तेल ६०औं स्थानमा तथा मल्ल ९२औं स्थानमा रहेका छन् । यसअघि भूर्तेल ६१औं तथा मल्ल ९४औं स्थानमा थिए ।
आईसीसीले जारी गरेको वरियतामा नेपालबाट भूर्तेल र मल्लसहित ४ खेलाडी समेटिएका छन् । वरियतामा परेका अन्य खेलाडीमा पूर्व कप्तान पारस खड्का र लेग स्पिनर सन्दीप लामिछाने रहेका छन् ।
पछिल्लो वरियतामा खड्का ८८औं स्थानमा रहेका छन् । लामिछाने ७६औं स्थानमा रहेका छन् । नयाँ वरियता अनुसार टी–२० क्रिकेटमा नेपाल १३औं स्थानमा रहेको छ । रासस
