एजेन्सी । युक्रेनका ऊर्जा संरचनाहरूमा रुसले व्यापक आक्रमण गरिरहँदा त्यहाँको स्थिति निकै नाजुक बनेको छ ।
अहिले राजधानी किएभको ७० प्रतिशत भाग विद्युत् आपूर्तिविहीन छ । आधा भागमा पानी छैन । देशका विभिन्न क्षेत्रमा बिजुली गइरहन्छ ।
देशका आणविक भट्टीहरू बन्द गरिएका छन् । यसरी रुसले युक्रेनको ऊर्जा संरचनामा आक्रमण गरिरहँदा युरोपेली संसद्ले रुसलाई आतंकवादको प्रायोजक संज्ञा दिएको छ । तर युक्रेन सरकारले डोनबास क्षेत्रमा ऊर्जा र पानी आपूर्ति काटिदिएको तथ्यलाई युरोपेली संसद्ले बेवास्ता गरेको छ । अनि रुसीभाषी नागरिकका विरुद्ध प्रतिआतंकवादी कारवाही चलाएर मान्छे मारेको कुरालाई पनि उसले ध्यान दिएको छैन ।
प्यासले छटपटाएका क्राइमियालीहरूलाई भोलोदीमीर जेलेन्स्कीले त्यतिखेर टीभीमा जोकरको भूमिका खेल्दा उडाएका थिए ।
पश्चिमी सैन्य गठबन्धन नेटोले रुसविरुद्धको युद्ध जित्नका लागि युक्रेन तथा युक्रेनीहरूलाई बलि चढाउन खोजिरहेको छ ।
