सर्लाही । मधेश प्रदेशका सम्पूर्ण पालिकामा माटो परीक्षण हुने भएको छ । मधेश प्रदेशका भूमि व्यवस्था, कृषि तथा सहकारी मन्त्रालयअन्तर्गत रहेका माटो परीक्षण प्रयोगशालाको टेक्निकल टिमले मधेश प्रदेशका सम्पूर्ण १३६ पालिकामा घुम्ती प्रयोगशालामार्फत परीक्षण गरिने मन्त्री वसन्त कुशवाहाले बताए । हरेक पालिकामा तीन दिनसम्म पालिकाका विभिन्न ठाउँको माटो परीक्षण गर्ने बताउँदै उनले यस परीक्षणपश्चात् माटोको आवश्यकताअनुसार कुन कुन मलखाद्द कति कति मात्रामा प्रयोग गर्ने त्यसको जानकारी किसानहरुलाई समेत दिइने बताए ।
