काठमाडाैं । नेपाली मूलका मिडफिल्डर किवन राई इंग्लिस फुटबल लिग (ईएफएल) क्लब न्युपोर्ट काउन्टीमा अनुबन्ध भएका छन्।
१८ वर्षीय मिडफिल्डर राई न्यु पोर्टको युथ एकेडेमीबाट सिनियर टोलीमा पुगेका हुन्। वेल्समा जन्मिएका राई सन् २०२१ मा न्युपोर्टको एकेडेमी भर्ना भएका थिए।
ब्रेकन कोरिन्थियन्समा राईको प्रतिभा देखेपछि न्यु पोर्टले आफ्नो एकेडेमीमा भर्ना गरेको थियो। छोटो समयमा नै एकेडेमीमा प्रभाव देखाएका उनले केही महिनामा नै सिनियर टोलीमा डेब्यु गरेका थिए।
आफ्नो सानैदेखिको सपना रहेको पहिलो व्यावसायिक सम्झौतामा हस्ताक्षर गर्न पाउँदा खुशी लागेको राईले बताएका छन् राई इएफएलमा अनुबन्ध हुने नेपाली मुलका पहिलो पुरुष खेलाडी हुन्।
