काठमाडौं । नेपाली कांग्रेसका नेता प्रकाशमान सिंहले हमासले आक्रमण गरेपछिको इजरायलको अवस्थाबारे जनतालाई छिटो छिटो जानकारी दिनुपर्ने बताएका छन् ।
साथै उनले अनलाइनको पहुँचमा नभएकाहरुलाई कसरी सम्पर्क गर्ने भन्ने विषयमा पनि ध्यान दिन सरकारलाई सुझाव दिएका छन् ।
हमासले गत शनिबार इजरायलमा आक्रमण गर्दा १० जना नेपालीको मृत्यु भएको छ । केही घाइते र केही सम्पर्कविहीन छन् । उनीहरुको अवस्थाबारे जानकारी नपाएको गुनासो आफन्तहरुले गरेकाले सरकारले छिटो–छिटो जानकारी दिनुपर्ने नेता प्रकाशमानको भनाइ छ ।
सरकारले नेपालमा फर्किन चाहनेहरुका लागि इनलाइन रजिष्ट्रेसनको व्यवस्था गरे पनि अनलाइन नचलेको अवस्थामा र अनलाइनको पहुँच नभएकाहरुको हकमा के गर्ने भन्नेतर्फ पनि ध्यान दिन उनले सरकारलाई सुझाव दिए ।
