काठमाडौं । साफ यू-१९ महिला च्याम्पियनसिपको पहिलो खेलमा नेपालले घरेलु टोली बंगलादेशसँग खेल्ने भएको छ ।
छैटौं संस्करणको साफ यू-१९ महिला च्याम्पियनसिपमा आगामी फेब्रुअरी २ देखि ८ (माघ १९-२५) बंगलादेशको ढाकामा हुनेछ ।
साफले जारी गरेको खेल तालिका अनुसार नेपालले पहिलो खेल फेब्रुअरी २ मा घरेलु टोली बंगलादेशसँग खेल्देछ । यस्तै नेपालले दोस्रो खेल फेब्रुअरी ४ मा भुटानसँग र तेस्रो खेल फेब्रुअरी ६ मा भारतसँग खेल्नेछ ।
फाइनल खेल फेब्रुअरी ८ मा हुनेछ ।
प्रतियोगिताका सबै खेलहरु ढाकास्थित वीर श्रेष्ठ शहीद सिपाही मोस्ताफा कमल (बीएसएसएसएमके) स्टेडियममा हुनेछ ।
यस प्रतियोगिताका लागि नेपाली टिम बनाउन अखिल नेपाल फुटबल संघ एन्फाले खुल्ला छनोटमार्फत खेलाडी छान्ने घोषणा गरिसकेको छ ।