काठमाडौं । इलाम २ को उपनिर्वाचनमा स्वतन्त्र उम्मेदवारी घोषणा गरेका मिलन लिम्बूले राष्ट्रिय स्वतन्त्र पार्टी (रास्वपा) सँग छलफल अघि बढाएका छन् ।
पहिचान पक्षधर लिम्बुले रास्वपासँग सबै कोणबाट छलफल भइरहेको भन्दै सकारात्मक संकेत प्राप्त गरेको जनाए । उनका अनुसार, ‘रास्वपाको नेतृत्वसँग छ्लफल चलिरहेको छ । उहाँहरुको उम्मेदवार हुने या नहुने छिटो टुङ्गो लाग्छ । हामीले त सबै कोणबाट छलफल जारी राखेका छौं ।’
यता रास्वपाका सहप्रवक्ता कबिन्द्र बुर्लाकोटिले अहिलेसम्म उम्मेदवारीको सिफारिस सूचीमा लिम्बूको नाम नपरेको जनाए । सात जनाको आकांक्षीको नाममा भने लिम्बूले पनि इच्छा जायर गरेको बुर्लाकोटीले जनाए ।
एमाले उपाध्यक्ष सुवास नेम्वाङको मुत्युपछि इलाम २ को प्रतिनिधिसभा सिट रिक्त छ। त्यहाँ वैशाख १५ गते उपनिर्वाचन हुँदैछ।
