काठमाडौं काठमाडौँको टोखा-६ मा रहेको एसिया प्यासिफिक स्कुलले तेस्रो अभिभावक दिवस सम्पन्न गरेको छ । २५ र २६ गते दुइ दिन बिबिध कार्यक्रम गर्दै स्कुलले अभिभावक दिवस सम्पन्न गरेको हो ।
२५ गते पहिलो दिन नर्सरी देखि कक्षा ३ सम्मको अभिभावक दिवसको कार्यक्रम गरेको थियो भने कक्षा ४ देखि १२ सम्मको अभिभावक दिवस को कार्यक्रम दोस्रो दिन २६ गते शनिवार गरेको थियो । अभिभावक दिवसको दुइ दिने कार्यक्रममा बालबालिकाहरूका नाटक, नृत्य तथा विभिन्न गतिविधि प्रस्तुत भएका थिए ।
सोहि कार्यक्रममा डा. राजु अधिकारीद्वारा लिखित “बनौँ संस्कारी” पुस्तकको लोकार्पण समेत भएको थियो । पहिलो दिन अभिभावक दिवसका अवसरमा बोल्दै साहित्यकार तथा वरिष्ठ सञ्चारकर्मी डा. नवराज लम्सालले बालबालिकाहरूको उज्ज्वल भविष्यका लागि विद्यालयसँगै अभिभावकहरूको पनि भूमिका महत्त्वपूर्ण हुने बताएका थिए ।
दोश्रो दिनको कार्यक्रममा उपस्थित स्वास्थ्य तथा जनसंख्या मन्त्रि मा. प्रदिप पौडेलले बालबालिकाहरु ले बिद्यालयबाट नै बिबिध किसिमका शिक्षा सिक्ने भएकाले बालबालिकाहरुको शिक्षाको सम्पूर्ण दायित्व सरकारले नै लिनुपर्ने बताउनु भएको छ । त्यसै गरि कार्यक्रममा डा.राजु अधिकारीले बालबालिकालाई शिक्षासँगै संस्कारी बनाउनु पर्ने र त्यसका लागि एसिया प्यासिफिक स्कुलले संस्कारयुक्त शिक्षा दिने प्रयास गरेकोमा खुसी लागेको कुरा व्यक्त गरेका थिए ।
विद्यालयका शिक्षा निर्देशक राजन अधिकारीले विद्यालयको बिबिध शैक्षिक कार्यक्रमका बारेमा जानकारीहरु प्रस्तुत गरेका थिए । यसै गरि अभिभावक दिवसको अवसरमा बोल्दै विद्यालयका प्राचार्य रमेश घिमिरेले विद्यालय यो अवस्थासम्म आई पुग्नमा विद्यालयका शिक्षक कर्मचारीसँगै अभिभावकहरूको पनि महत्त्वपूर्ण योगदान रहेको बताएका छन् ।
४ वर्ष अगाडी स्थापना भएको एसिया प्यासिफिक स्कुल टोखा नगरपालिका भित्रको एक उत्कृष्ट शैक्षिक संस्था को रुपमा रहेको छ ।
