काठमाडौं । अफगानिस्तानमा भएको सडक दुर्घटनामा ७३ जनाको मृत्यु भएको छ । मृत्यु हुनेहरूमा १७ बालबालिका पनि रहेको जनाइएको छ ।
तालिबानका एक अधिकारीले बीबीसीलाई बताएअनुसार, मृत्यु हुनेहरूमा अधिकांश इरानबाट निकालिएका अफगानी आप्रवासी छन् । तालिबानका सूचना तथा संस्कृति निर्देशक अहमदुल्ला मुत्ताकीका अनुसार काबुल जाँदै गरेको बसमा आगलागी भएको थियो ।
बसमा सवार सबैको मृत्यु भएको छ । बससँग ठोक्किएका अन्य दुई सवारी साधनमा सवार दुईजनाको पनि मृत्यु भएको छ । पछिल्ला समय इरानले आफ्नो देशमा द्वन्द्वका कारण भागेर आएका अफगानीहरूलाई देशबाट निकाल्ने प्रक्रियालाई तीव्र बनाएको छ ।
सन् १९७० को दशकदेखि लाखौँ अफगानीहरू इरान र पाकिस्तानमा भागेका थिए । बीबीसी
