काठमाडौं । एनआईसी एशिया बैंकको प्रमुख कार्यकारी अधिकृत (सीइओ) मा सुजितकुमार शाक्य नियुक्त भएका छन्।
बैंक सञ्चालक समितिको आज सोमबार बसेको बैठकले सीइओमा शाक्यलाई नियुक्त गर्ने निर्णय गरेको हो। उनको कार्यकाल ४ वर्षको हुनेछ।
रोशनकुमार न्यौपानेले राजीनामा दिएपछि सीइओ पद रिक्त थियो। हाल बैंकको कामु सीइओको जिम्मेवारी सन्तोषकुमार राठीलाई दिइएको छ।
यसअघि शाक्य नबिल बैंकका वरिष्ठ नायव प्रमुख कार्यकारी अधिकृत (सिनियर डीसीइओ) थिए। शाक्यले अबको ३० दिनभित्र एनआईसी एसिया बैंकको सीइओको जिम्मेवारी सम्हाल्ने छन्।
