निर्वाचन आयोगका अनुसार कान्तिपथस्थित केन्द्रीय कार्यालयबाट सञ्चालन भइरहेको उक्त सेवामार्फत निर्वाचन प्रक्रियासँग सम्बन्धित विषयमा मतदाता, नागरिक तथा अन्य सरोकारवालाका प्रश्न तथा जिज्ञासाको उत्तर प्रदान गरिने छ।
आयोगका प्रवक्ता नारायणप्रसाद भट्टराईका अनुसार सेवा प्रवाहका लागि छुट्टाछुट्टै छ वटा डेस्क व्यवस्था गरिएको छ।
उक्त सेवा प्रत्येक दिन बिहान ९ बजेदेखि साँझ ६ बजेसम्म उपलब्ध रहने छ। मतदाता तथा सरोकारवालाले नि:शुल्क टोल-फ्री नम्बर ११०२ मा फोन गरी आवश्यक जानकारी लिन सक्नेछन्।
