काठमाडौं । जापानमा हुने २०औं एसियाली खेलकुदको लागि नेपाली टेनिस टोलीले भारतको बेंगलुरुमा तयारी गर्ने भएका छन् ।
एसियाली खेलकुदको वैदेशिक प्रशिक्षणका लागि ३ खेलाडीसहित ४ सदस्यीय नेपाली टेनिस टोली बिहीबार भारतको बैंगलुरु जाने भएको हो ।
खेलाडीले बैंगलुरुस्थित रोहन बोपना टेनिस एकेडेमीमा प्रशिक्षण गर्ने छन् । बेंगलुरुमा तयारी गर्नेपछि टेनिस टोली सेप्टेम्बर ८ मा फर्किने छ । २० औं एसियाडकै लागि छनोट भएका अभिषेक बाँस्तोला र शिभाली गुरुङ स्वदेश बाहिर प्रशिक्षणरत रहेको नेपाल टेनिस संघले जनाएको छ ।
