काठमाडौं । अमेरिकी विदेशमन्त्री मार्को रुबियो १७ देखि २२ अक्टोबरसम्म उज्बेकिस्तान र भारतको भ्रमणमा जाने भएका छन्। अमेरिकी विदेश मन्त्रालयले जारी गरेको विज्ञप्ति अनुसार रुबियोले भारतको मुम्बई र जामनगरको भ्रमण गर्नेछन्।
उज्बेकिस्तानमा विदेशमन्त्री रुबियोले ‘सीफाइव प्लस वन’ मन्त्रीस्तरीय बैठकमा भाग लिनेछन्। अमेरिकी विदेश मन्त्रालयका अनुसार, “उज्बेकिस्तानमा विदेशमन्त्री रुबियो ‘सीफाइव प्लस वन’ मन्त्रीस्तरीय बैठकमा सहभागी हुनुहुनेछ। यो कूटनीतिक मञ्चमार्फत हुने रणनीतिक सहयोगले अमेरिका र मध्य एसियाली देशहरूका लागि अझ शान्तिपूर्ण र समृद्ध भविष्यलाई प्रवर्द्धन गर्छ भन्ने कुरामा जोड दिनु यसको उद्देश्य हो।”
त्यसपछि विदेशमन्त्री रुबियो यसै वर्षको आफ्नो दोस्रो आधिकारिक भ्रमणका लागि भारत जानेछन्। अमेरिकी विदेश मन्त्रालयले भनेको छ, “यसपछि विदेशमन्त्री यस वर्ष आफ्नो दोस्रो आधिकारिक भ्रमणमा भारत आउनुहुनेछ। अमेरिका-भारत रणनीतिक साझेदारीलाई बलियो बनाउन, क्षेत्रीय तथा विश्वव्यापी घटनाक्रम र ऊर्जा सहयोग अभिवृद्धि गर्ने सम्भावनाहरूमा छलफल गर्न उहाँले सरकारी वरिष्ठ अधिकारीहरूसँग भेट गर्नुहुनेछ।”
