काठमाडौ, १६ कात्तिक –प्रहरीले संयुक्त लोकतान्त्रिक मधेसी मोर्चाका नेता कार्यकर्ताले लगातार ४० दिन देखि अवरुद्ध गरेको वीरगन्ज–रक्सौल नाका आज बिहान हस्ताक्षेप गरी खुलाएको छ । प्रहरीले वीरगन्जको नेपाल भारत मितेरीपुलमा धर्ना बसेका मोर्चाका नेता कार्यकर्ताहरुलाई हस्तक्षेप गरी अवरुद्ध नाका खुलाएको हो ।
जिल्ला प्रहरी कार्यालय पर्सा र सशस्त्र प्रहरी सीमा सुरक्षा कार्यालय पर्साबाट खटेका प्रहरी टोलीले बिहान करिब ४ बजेको समयमा धर्नास्थलमा हस्तक्षेप गरी नाका खुल्ला गराएको स्थानीय प्रशासनले जानकारी दिएको छ ।
नाका खुल्ला भएपछि विगत दुई महिनादेखि वीरगन्जमा थन्किएका भारतीय वाहनलाई भारततर्फ पठाउने काम सुरु भएको छ । वीरगन्जको इनर्वास्थित भन्सार क्षेत्रबाट सयाँै सवारी साधनलाई भारततर्फ पठाउने कार्य भइरहेको प्रहरीले जनाएको छ ।
