कात्तिक / राष्ट्रपति विद्यादेवी भण्डारी जापान प्रस्थान गर्नुभएको छ । म्यान्माका राष्ट्रपति विन मिन्तको मैत्रीपूर्ण निमन्त्रणामा म्यान्माको राजकीय भ्रमण पूरा गरी आज बिहान थाइ एयरवेजबाट थाइल्याण्डको बैंकक हुँदै राष्ट्रपतिको प्रतिनिधिमण्डल जापान प्रस्थान गरेको हो ।
राष्ट्रपति भण्डारीलाई याङ्गुन अन्तर्राष्ट्रिय विमानस्थलमा म्यान्माको धार्मिक मामिला तथा संस्कृतिमन्त्री छुरा यु आङ को, याङ्गुनका मुख्यमन्त्री यु फियो मिन थिन र म्यान्माको लागि नेपाली राजदूत गणेशप्रसाद ढकाललगायतले बिदाइ गर्नुभयो ।
राष्ट्रपतिको प्रतिनिधिमण्डल जापानी सम्राट् नोरुहितोको राज्याभिषेकमा सहभागी भई कात्तिक ६ गते स्वदेश फर्कने कार्यक्रम छ ।
