नेपाल राष्ट्र बैंकले बैंक तथा वित्तीय संस्थाको नाममा सूचना जारी गर्दै मन्त्रिपरिषद्को निर्णय बमोजिम बिहानदेखि बेलुकीसम्मै बैंक खुला नगरी साविकको कार्यालय समयबमोजिम नै बैंक सञ्चालन गर्न सक्ने जनाएको हो । तर, राष्ट्र बैंकले बैंक तथा वित्तीय संस्थाको धेरै भिडभाड हुने शाखाहरुका लागि दुई सिफ्टमा काम गर्ने वातावरण मिलाउने छुट भने दिएको छ ।
तर, बैंकहरुले आफ्नो बैंकमा आउने ग्राहकको लाइनमा दूरी कायम गर्नुपर्ने तथा अन्य आवश्यक स्वास्थ्य सुरक्षाको सतर्कताको व्यवस्था भने अनिवार्य रुपमा गर्नुपर्ने सूचनामा उल्लेख गरिएको छ । त्यस्तै, बैंकमा सकेसम्म भिडभाड हुन नदिन विद्युतीय कारोबारलाई प्रोत्साहन गर्न निर्देशन समेत दिइएको छ ।
