संक्रमितले अस्पतालमै मनाए दशैँ

65

नेपालगञ्ज- विजया दशमीकाे दिनमा सबैले आ–आफ्नो घरमा रमाइलो गरेर दशैँ मनाईरहेको बेला संक्रमित भएर भेरी अस्पतालमा भर्ना भएकाहरुले पनि त्यही भित्रै टीका लगाएर दसैं मनाएका छन् । सोमवार दशैँको दिनमा पनि संक्रमितको सेवामा खटिएका भेरी विशेष कोराना अस्पतालका स्वास्थ्यकर्मीहरुले संक्रमितहरुलाई टीका लगाएर शुभकामना दिंदै दशैँ मनाएको अस्पतालले जनाएको छ ।
भेरी अस्पतालका प्रमुख डा. प्रकाश थापाले संक्रमितको उपचारमा खटिएका स्वास्थ्यकर्मीहरुले सबै संक्रमितलाई टीका लगाएर प्रसाद वितरण गरि दशैँ मनाएको बताए ।

संक्रमित भएर त्यहाँ उपचार गराइरहेका भेरी अस्पतालका बायोमेडिकल टेक्निसियन नविन चन्द ठकुरीले संक्रमितको उपचार सेवामा दिनरात खटिएका कोभिड इन्चार्ज सम्झना मल्ल, स्टाफ नर्सहरु यम कुमारी थापा, कमला नेपाली र देवा जिसीले सबै संक्रमितलाई टिका लगाएका थिए।

उनले स्वास्थ्यकर्मीहरुले टीका लगाएपछि आफन्त र घर परिवार नहुँदा निराश भएकाहरुलाई धेरै राहात मिलेको बताए ।
आफ्नो ज्यानको परवाह नगरि दिनरात संक्रमितको सेवा गर्ने स्वास्थ्यकर्मीहरुले टिका लगाएपछि धेरै खुशी लागेको एक संक्रमितले बताए । उनले एक्कासि टीका लगाउन स्वास्थ्यकर्मीहरु आपछि दुखी भएर बसेका सबै संक्रमितको अनुहारमा उज्यालो र मुस्कान देखिएको बताए ।
अस्पतालका बायोमेडिकल टेक्निसियन ठकुरीका अनुसार हाल भेरी विशेष कोराना अस्पतालमा ८ जना स्टाफसहित ४५ जना संक्रमितको उपचार भइरहेको छ । ती मध्ये आठ जनाको अवस्था गम्भीर रहेको अस्पतालले जनाएको छ ।

उपचाररत संक्रमितको मनोबल उच्च पार्नका लागि आफूहरुले उपचार सेवा लगायत सबै प्रकारका गतिविधि पनि निरन्तर गरिरहेको कोभिड इन्चार्ज सम्झना मल्लले बताइन् ।

उनले उच्च मनोबल राखेर कोरोनासँग लड्ने हो भने जित्न सजिलो रहेको जनाउँदै सबैलाई मनोबल उच्च राख्न आग्रह गरेकी छिन् ।
बाँकेमा हालसम्म कोरोनाबाट संक्रमितको संख्या दुई हजार ९९० पुगेको छ भने ३० जनाको कोरोनाका कारण मृत्यु भईसकेको छ । अझैपनि ३३८ जना विभिन्न अस्पताल र आइसोलेसन सेन्टरमा उपचाररत भर्ना रहेको जिल्ला कोभिड १९ संकट व्यवस्थापन केन्द्र बाँकेले जनाएको छ ।

LEAVE A REPLY

Please enter your comment!
Please enter your name here