काठमाडौं । नेपाली कांग्रेसका सभापति शेरबहादुर देउवाले असहज अवस्थाबाट गुज्रिरहेको मुलुकलाई निकास दिन नेपाली कांग्रेस तयार रहेको बताएका छन् । रौतहटको गढीमाई नगरपालिका ६ धर्मपुर–सिंगारवन गाउँमा आयोजना गरिएको विष्णु महायज्ञको बुधबार उद्घाटन गर्दै पूर्वप्रधानमन्त्री देउवाले अहिले देश असहज अवस्थामा पुगिसकेकाले आवश्यकताअनुसार नेपाली कांग्रेस निकास दिन तयार रहेको बताए ।
सत्ता सञ्चालन कसरी गर्ने भन्ने विषयमा नेकपाभित्रको आन्तरिक विवादका कारण सिंगो मुलुक नै अनिर्णयको बन्दी बन्न पुगेको र राजनीतिक अस्थिरतातर्फ धकेलिएको बताउँदै सभापति देउवाले संघीय गणतन्त्र जोगाउन कांग्रेसले आवश्यक भूमिका निर्वाह गर्ने स्पष्ट पारेको आजको नागरिक दैनिकमा खवर छ ।