एजेन्सी । श्रीलंकाका नयाँ राष्ट्रपति रनिल विक्रमसिंघेविरुद्ध लगातार जनप्रदर्शन भइरहेको छ ।
शुक्रवार बिहान राष्ट्रपति सचिवालय नजिक सुरक्षाकर्मीहरूले विरोधकर्ताहरूलाई हटाएपछि गल फेस विरोधस्थलमा कम्तीमा नौजनालाई पक्राउ गरिएको छ ।
सुरक्षाकर्मी र विरोधकर्ताबीचको झडपमा कैयौं घाइते भएका छन् । प्रहरीले सेना तथा एसटीएफको सहयोगमा विरोधकर्ताहरूलाई राष्ट्रपति सचिवालयबाट हटाएको थियो ।
पक्राउ गरिएकाहरूलाई आज अदालतमा पेश गरिने प्रहरीको भनाइ छ । वारदात स्थल अनुसन्धान अधिकारी तथा औंठाछाप विश्लेषकहरूलाई वैज्ञानिक प्रमाण संकलन गर्नका लागि बोलाइएको छ । विक्रमसिंघे पनि पुरानो सत्ताको निरन्तरता भएको भन्दै उनका विरुद्ध प्रदर्शन भइरहेको हो ।