काठमाडौं । सुनको मूल्य नयाँ रेकर्डबाट तल झरेको छ।
आइतबार छापावाल सुन प्रतितोला १ लाख १७ हजार रुपैयाँ पुगेकोमा आज ५ सयले घटेर १ लाख १६ हजार ५०० रुपैयाँ पुगेको हो। तेजाबी सुन प्रतितोला १ लाख १५ हजार ९५० रुपैयाँ कायम भएको छ।
अघिल्लो कारोबार दिन तेजावी सुन १ लाख १६ हजार ४५० रुपैयाँमा कारोबार भएको थियो। यसदिन सुनको मूल्य घटेसँगै चाँदी पनि घटेको छ। चाँदी ५ रुपैयाँले घटेर प्रतितोला १४ सय १० रुपैयाँमा कारोबार भइरहेको नेपाल सुन-चाँदी व्यवसायी महासंघले जनाएको छ।
आइतबार चाँदी प्रतितोला १४ सय १५ रुपैयाँमा कारोबार भएको थियो।
