सामान्यतया आफ्नो कामको कम्प्युटरमा मानिसहरुले आफ्नो दैनिक कामहरु नै गर्ने गर्छन् तर कहिलेकाहीँ समय खाली रहेको अवस्थामा मानिसहरुले आफ्नो कम्प्युटरमा अन्य विभिन्न किसिमका साइटहरुको भ्रमण गर्ने गर्छन् । जसमा केही साइटहरु आफ्नो दैनिक काम गर्ने कम्प्युटरबाट नखोल्नु राम्रो हुन्छ । विशोगरी कार्यालयमा काम गर्ने समयमा भने मानिसहरुले सावधानी अपनाउनु जरुरी रहेको छ । कुनै पनि साइट खोल्दा आफ्नो विवरणहरु माथिल्लो तहमा कुनै न कुनै माध्यमबाटथ पुग्ने तथा आफ्नो काममा पनि नकारात्मक किसिमको प्रभाव पर्ने भएको निम्न साइटबाट टाढा रहनु राम्रो हुन्छ –
१. पोर्नोग्राफी वा यससँग सम्बन्धित वेबसाइटहरु
धेरै मानिसहरुलाई आफ्नो कामको समयमा कुनै पनि वेबसाइट खोल्नु उचित होइन भन्ने कुरा राम्रोसँग थाहा होला तर सबैलाई यस किसिमको ज्ञान भने नहुन पछि सक्छ । त्यसैले सामान्य कुनै पनि कामको समयमा आफ्नो कम्प्युटरमा यस किसिमको साइटहरु खोल्नुहुँदैन । एक विवरणले ग्रट ब्रिटनको संसदबाछ पनि तीनलाखभन्दा बढी पोर्न साइटहरुको खोजी गरिएको देखाएको थियो भने एक कम्पनीले आफ्ना कर्मचारीलाई एक सातामा ३९ घण्टा पोर्न हेरेको आरोपमा केही सजाय सुनाएको थियो । उनले आठ घण्टाको सिफ्टमा काम गर्दाको समयमा छ घण्टा पोर्न हेर्ने गरेका थिए ।
२. कम्पनीको कर्मचारीसँग भएको उच्चस्तरीय सूचनाहरु
यदि तपाईँलाई कमपनीको केही उच्चस्तरीय सूचनाहरु छन् र त्यो सूचनाहरु अरुलाई थाहा हुनु हुँदैन भने यस किसिमका विवरणहरु कहिल्यै पनि इनटरनेटमा खोल्नु हुँदैन । कम्पनीको आईटी डिपार्टले आफ्नो सूचनाहरुको विषयमा पनि जानकारी राखिएको हुन्छ । र उक्त विवरणहरु तपाईँले इन्टरनेटमा खोलेको उनीहरुलाई थाहा हुन्छ ।
३. व्यक्तिगत विषयसँग सम्बन्धित रहेका वेबसाइटहरु
यदि तपाईँ आफ्नो काममा हुनुहुन्छ र अर्को कुनै कामसँग पसिन तपाईँ आबद्ध हुनुहुन्छ भने तपाईँ निकै सावधानी हुनु जरुरी रहेको छ । कामको समयमा आफ्नो व्यक्तिगत विषयका साइटहरु खोल्दा काममा असर पर्नसक्छ । विशेषगरी एउटा कामभन्दा अर्को काम विल्कूलै भिन्न किसिमको रहेको छ भने आफ्नो सावधानी थप बढाउनु जरुरी हुन्छ । विश्वका धेरै कम्पनीहरुले कामभन्दा बाहिरका साइटहरु खोल्ने कर्मचारीहरुलाई सजाय पनि दिने गरेका छन् । साथै आफ्ना केही गोप्य विवरणहरु पनि खुल्ने सम्भावना भएको कारण जुन कामको लागि आएको हो, त्यही कार्यमा दत्तचित्त भएर लाग्नु राम्रो हुन्छ ।
४. प्रमुख प्रतिस्पर्धीमा रोजगारीको अवसरको खोजी
कुनै पनि कम्पनीलाई आफ्नो कम्पनी सबैभन्दा बलियो बनाउने भन्ने सोच हुन्छ । त्यसका लागि कर्मचारीहरुको भूमिका निकै महत्वपूर्ण पनि हुन्छ । यद्यपि त्यसका लागि कम्पनीको प्रमुख प्रतिस्पर्धी कम्पनीलाई उछिन्नु जरुरी हुन्छ । यस्तोमा प्रमुख प्रतिस्पर्धी कम्पनीमा रोजगारीको अवसर खोज्ने कर्मचारीहरु कम्पनीको नजरमा आखाँको तारो बन्न सक्छन् र यसले उनीहरुको काममा पनि असर पार्नसक्छ । साथै उसको आन्तरिक कुरा थाहा पाएपछि कम्पनीले नियमितरुपमा दिनुपर्ने सेवा सुविधा तथा प्रमाणपत्रहरुमा पनि रोक लगाउन सक्छ ।
५. आफ्नो प्रेम सम्बन्धसँग सम्बन्धित विषयहरु
मानिसहरुले आफ्नो प्रेमसम्बन्धसँग सम्बन्धित रहेका विषयहरु पन िकाम गर्दाको समयमा कम्प्युटरबाट खोल्नु हुँदैन । कम्प्युटरमा यस खोलिएका सबै साइटहरुको इतिहास सेभ भएर बसेको हुन्छ, जसको करण कम्पनीले कम्प्युटर चेक गरेको खण्डमा यस किसिमका साइटहरु फेला पर्नसक्छन्, जसले व्यक्तिगत जीवनमा समेत समस्या पार्न सक्छ । साथै यसबाट तपाईँको आन्तरिक विवरणहरु खुल्ने सम्भावना बढी हुन्छ ।
६. विवाह, बिदा वा पार्टीको योजना निर्माणसम्बन्धी साइटहरु
कार्यालयमा काम गर्दाको समयमा कहिल्यै पनि आफ्नो पार्टी, बिदा वा विवाहको योजनाहरु समेटिने किसिमको साइटहरु खोल्नुहुँदैन । यस किसिमका साइटहरुले काममा भन्दा पनि बढी चासो बाहिरी क्षेत्रमा लगाएको जस्तो देखिन्छ, जसको कारण कम्पनीमा तपाईँको नकारात्मक छाप पर्नसक्छ । त्यसका साथै कुनै पनि विषयमा अत्यधिक खोजी गर्ने बानी पनि राम्रो होइन । मानिसहरुले कामको समयमा अतयधिक खोजी गर्नाले आफ्नो अल्पज्ञानलाई पनि दर्शाउँछ । त्यसैले काम गर्दाको समयमा आफ्नो कप्युटरमा जोगिएर काम गर्नुपर्ने हुन्छ ।
