धनगढि/ देशमा हुँदै गइरहेको महिला हिंसा विरुद्व अन्त्यको माग गर्दै प्राज्ञिक विद्यार्थी परिषद्ले हिजो मंगलबार धनगढिनगरमा विशाल रयाली प्रदशन गरेको छ ।
ज्ञान शील एकतालाई आधार शिला बनाइ व्यक्ति निर्माणबाट राष्ट्र्को पुर्ननिर्माण गर्ने ध्येय राखेको नेपालको एक मात्र स्वतन्त्र विद्यार्थी संगठन प्राज्ञिक विद्यार्थी परिषद्ले सो रयाली प्रदशन गरेको हो ।
वर्तमान समयमा नैतिक शिक्षा लागुको आवश्यकता सन्दर्भ एवं भर्करै मात्र कन्चनपुर मा भएको १३ बर्ष कि बालिकाको बलात्कार गरि हत्या गरेको र देशभर नारी सुरक्षा माथिको अवस्था प्रती आपत्ति जनाएका थिए ।
महिलालाई सम्मान गर, नारी सुरक्षा कायम गर, नैतिक शिक्षा लागू गर, शान्ती व्यवस्था कायम गर, नेपाल आमाको जय
नारी सम्मान सुरक्षा, देशको रक्षा दोषीलाई कारबाही गर
विद्यार्थीहरुले “महिलालाई सम्मान गर, नारी सुरक्षा कायम गर, नैतिक शिक्षा लागू गर, शान्ती व्यवस्था कायम गर, नेपाल आमाको जय ! नारी सम्मान सुरक्षा, देशको रक्षा दोषीलाई कारबाही गर ” जस्ता नारा लगाएका थिए ।
धनगढीको पार्कमोड बाट सुरु भएको रयाली चौराहमा पुगेर कोणसभामा परिणत भएको थियो । रयालीमा विधार्थिहरुका साथै स्थानीय व्यक्ति तथा व्यापारीहरुको पनि उपस्थिती रहेको थियो ।
प्राज्ञिक विद्यार्थी परिषद नेपालका राष्ट्रिय सचिव चन्द्र सेखर जोशिको सयोजकतामा भएको उक्त ¥यालीलाई सम्बोधन गर्दै विद्यार्थी नेताहरुले बलत्कारीलाई कारबाहीको जोडदार माग गर्दै मुख्यमन्त्रीको कार्यालय अगाडी धर्ना दिएका थिए । सरकारलाई खबरदारी दिँदै मुख्यमन्त्रीको कार्यालय अगाडी ३० मिनट धर्ना दिएका थिए ।
