काठमाडौं / डा. शशांक कोइराला, शेखर कोइराला र सुजाता कोइरालाले एउटै माला पहिरेर अबको महाधिवेसनमा मिलेर जाने सन्देश दिइसकेका छन् भने देउवा तीन कोइरालाको एकताले कांग्रेस झन बलियो बन्ने अभिव्यक्ति दिइरहेका छन् ।
यसैबीच पार्टी सभापति शेरबहादुर देउवासँग नेता शेखर कोइरालाको विराटनगरमा गोप्य कुराकानी भएको छ । दुवै नेताबीच विराटनगरमा २५ मिनेट लामो कुराकानी भएको हो ।
गोप्य भनिएको उक्त भेटमा दुई नेताबीच के कुराकानी भयो त्यो विषयमा भने कुनै खुलासा भएको छैन ।
महासमिति बैठकको संघारमा कोइराला परिवारका नेताहरुले आफूहरु एकतावद्ध रहेको सन्देश दिइरहेका बेला सभापति देउवासँग नेता शेखर कोइरालाको गोप्य कुराकानीलाई अर्थपूर्ण रुपमा हेरिएको छ ।
