जनतालाई न्याय र अधिकार अब नाईस टेलिभिजनबाटै

233

काठमाडौं / ‘न्यायका लागि मेलमिलाप’ विशेष महत्व बोकेको कार्यक्रम छिट्टै नाईस टेलिभिजनमार्फत प्रशारण हुने भएको छ । मेडिएशन नेपाल र नाईस टेलिभिजन एचडीको संयुक्त प्रस्तुति रहेको मेलमिलापसम्बन्धी यो टेलिभिजन कार्यक्रम नेपालको ईतिहासमै पहिलोपटक प्रशारण हुन लागेको हो ।

मेडिएशन नेपाल र नाईस टेलिभिजन एचडीले शुक्रबार संयुक्त रुपमा पत्रकार सम्मेलन गर्दै ‘न्यायका लागि मेलमिलाप’, ‘जनताको अधिकार’ र ‘हे सिटामोल’ नामक कार्यक्रमहरु सार्वजनिक गर्ने घोषणा गरेको जानकारी दिएको हो । टेलिभिजनले अन्य थुप्रै कार्यक्रमहरु – विभेदविरुद्धको अभियान, नाईस हेल्थ केयर, नाईस कनेक्सन, क्राईम डायरी, गाम बेसीका भाकाहरु, बाल विशेषजस्ता पनि प्रशारण गर्न लागेको प्रोजेक्टर मार्फत कार्यक्रमका झलक देखाइएको थियो ।

मेलमिलाप विज्ञ महेन्द्र प्रसाईले मेडिएसन नेपालले मेलमिलापको लागि काम गरिरहेको जनाउँदै जनतालाई न्यायको प्रत्याभुति दिलाउनको लागि यस्ता खाले कार्यक्रमले विशेष टेवा पुर्याउने धारणा व्यक्त गरेका छन् । प्रसाईले पीडितलाई वास्तविक न्यायको अनुभुति र सन्तुष्टि दिने माध्यम ‘न्यायका लागि मेलमिलाप’ बनेको जनाएका छन्।

कार्यक्रममा मेडिएसन नेपालका सचिव एवम् ‘न्यायका लागि मेलममिलाप’ कार्यक्रमका प्रस्तोता सन्तोष राना मगरले मेडिएसन नेपालको बारेमा बोल्दै भने, ‘मेडिएसन नेपाल गैरराजनीतिक र गैरनाफामूलक संस्था हो । मेलमिलापको अभियानमा आस्था राखेको संस्था हो । सरकारले न्याय र मेलमिलाप ऐनबाट जनताका मुद्दाहरुको सम्बोधन गर्नुपर्छ ।’

नाईस टेलिभिजनका निर्देशक आर्शिवाद पुन मगरले मुलुकको तीनै तहका सरकारमा मेलमिलापसम्बन्धी शाखाहरु रहेकोले यो कार्यक्रमले यसम्बन्धी ‘अन द स्पट’ समस्या समाधान गर्ने विश्वास दिलाए ।

त्यस्तै कार्यक्रममा उक्त टेलिभिजनबाट प्रशारण हुने कार्यक्रम ‘हे सिटामोल’ का निर्देशक एवम् कलाकार सिपी पुडासैनीले उक्त कार्यक्रमबारे प्रकाश पर्दै भने – ‘सरकारले जनतासामू सिटामोल नपुर्याएको अवस्था छ । हामीले यो कार्यक्रममार्फत सरकारलाई झकझकाउँछौं ।’

त्यस्तै टेलिभिजनबाट प्रशारण हुने अर्को ‘जनताको अधिकार’ नामक कार्यक्रम दिपा आले मगरले सञ्चालन गर्ने जनाउँदै उक्त कार्यक्रमले समाजमा वर्षौदेखि पछि परेका र पछि पारिएका समुदाय, वर्ग क्षेत्रको आवाजलाई राज्यसमक्ष पु¥याएर अधिकार प्रदान गराउने माध्यम बनाउदै ‘जनताको अधिकार’ कार्यक्रमले समृद्धि र शान्तिमय समाजको विकास गर्ने धारणा व्यक्त गरेकी छिन् ।

LEAVE A REPLY

Please enter your comment!
Please enter your name here