काठमाडौं / पत्रकारिता जगतका अग्रज पत्रकार तथा कामना प्रकाशन समूहका संस्थापक पुष्करलाल श्रेष्ठको आज बिहान पौने १२ बजे निधन भएको छ ।
नेपाल समाचार पत्र दैनिकका प्रधानसम्पादक समेत रहेका पुष्करलाल श्रेष्ठको ६० वर्षको उमेरमा राजधानीको थापाथलीस्थित नर्भिक अस्पतालमा उपचारको क्रममा निधन भएको हो ।
श्रेष्ठको शव अन्तिम श्रद्धाञ्जलीका लागि दिउँसो १ देखि ३ बजेसम्म भूगोल पार्कमा राखिने परिवारका सदस्यले जनाएका छन् । उनको आजै पशुपति आर्यघाटमा दाहसंस्कार गरिने जनाइएको छ ।
