काठमाडौ, काठमाडौमा आइतबार श्रृंखलाबद्ध बम विस्फोट भएपछि गृहमन्त्री रामबहादुर थापाले गृहमन्त्रालयमा सुरक्षा निकायको आकस्मिक बैठक बोलाई तीन वटै सुरक्षा निकायका प्रमुखहरूलाई हाइअलर्टमा बस्न निर्देशन दिएका छन् ।
गृहमन्त्री थापाले नेपाल प्रहरीका आइजिपी सर्वेन्द्र खनाल, सशस्त्र प्रहरीका आइजिपी शैलेन्द्र खनाल र राष्ट्रिय अनुसन्धान विभागका प्रमुख गणेश अधिकारीलाई बोलाएर हाइ अलर्टमा बस्न निर्देशन दिएका हुन् ।
उपत्यका भित्रै सिंहदरबार आसपासमा बम बिस्फोट हुँदा समेत सुरक्षा निकायले त्यसको संकेत समेत नपाएको भन्दै गृहमन्त्रालय, सुरक्षा निकाय र गुप्तचर निकायको चर्काे आलोचना सुरु भएको छ ।
