काठमाडौं / प्रधानमन्त्री केपी शर्मा ओली शुक्रबार मध्याह्न १२ः३० बजेतिर काठमाडौं आइपुगेका छन् ।
प्रधानमन्त्रीको विमान काठमाडौंमा अवतरण हुनुभन्दा १ घण्टा अगाडिदेखि त्रिभुवन अन्तर्राष्ट्रिय विमानस्थलमा सबै उडान तथा अवतरण ठप्प पारिएको थियो ।
प्रधानमन्त्री ओली स्वदेश आउँदा भएको एयर ट्राफिक जामको मारमा शुक्रबार साझा पार्टीका संयोजक रवीन्द्र मिश्र पनि परेका छन् । मिश्रले सामाजिक सञ्जाल ट्वीटरमार्फत आक्रोश पोखेका छन् । काठमाडौंबाट विराटनगरका लागि विमान चढेका मिश्रले १ घण्टादेखि विमानमै बस्नु परेको भन्दै ट्वीटर सन्देशमा मिश्रले भनेका छन्–
ओली जाम:
बिराटनगर जान प्लेनमा बसेको १ घण्टा भयो। प्रधानमन्त्री ओलीको विमान अवतरण गर्न अर्को आधा घण्टा लाग्छ रे। हाम्रोमात्र होइन,सिङ्गो विमानस्थलको हाल यही छ। नेपाल भ्रमण वर्ष शुरू गर्नु अगाबै VVIP उडानका बेला विमानस्थल व्यवस्थापनको तालिम गर्न हुन विशेष अनुरोध छ। @yogesbhattarai— Rabindra Mishra (@RabindraMishra) September 6, 2019
