काठमाडौं / कतार विश्वकप २०२२ को दोस्रो चरण खेल छनौट अन्तरगत घरलु मैदानमा हुने खेलका लागि नेपाली टोलिले तयारी थालेको छ । तिहार लगत्तै नेपाली राष्ट्रिय फुटबल टिमले प्रशिक्षण थालेको हो । नेपाली टिमले बुधबारबाट एन्फा टेक्निकल सेन्टरमा प्रशिक्षण सुरु गरेको छ । एसियाको दोस्रो चरणमा प्रतिस्पर्धा गरिरहेको नेपाली टिमले अब ४ वटा अवे खेलमा प्रतिप्रर्धा गर्नेछ ।
नेपालले छनोटमा ४ खेलमा ३ अंक जोडेको छ । समूहको चौथो स्थानमा रहेको नेपालले कुवेत, अष्ट्रेलिया र जोर्डनसँग हार व्यहोरेको थियो भने ताईनिज ताइपेसँग जित निकालेको थियो । अब नेपालले मंसिर ३ गते दशरथ रंगशालामा कुवेतसँग पहिलो घरेलु खेल खेल्दैछ ।
नेपालले पहिलो दिन सामान्य वार्म अप प्रशिक्षण गरेको अखिल नेपाल फुटबल संघ एन्फाले जनाएको छ । मुख्य प्रशिक्षक जोहान कालिनले घरेलु खेलका लागि भरत खवास, एलेन न्यौपाने र सुभाष गुरुङलाई टिममा बोलाएका छन् । भरत खवास विभागीय ट्रेनिङका लागि थाईल्याण्ड गएका कारण अघिल्ला खेलमा टिममा थिएनन् । उनले अघिल्ला ४ खेल गुमाएका थिए ।
