काठमाडौं / नेपाल भाषामा चर्चित गायिका गंगादेवी महर्जनले नेपाल भाषाको नयाँ सिडी एल्बम ‘स्वनिगःया नेवाः’ एक कार्यक्रममा बिमोचन गरेकी छन् ।
गीतिसंग्रहको काठमाडौंकाे जमलस्थित नाच घरमा गत शनिबार एक समारोहबीच जनकवि दुर्गालाल श्रेष्ठ, काठमाडौं महानगपालिकाका मेयर विद्यासुन्दर शाक्य, संगीतकार दीपक जंगमलगायतले संयुक्त विमोचन गरेका थिए ।
६ वटा गीत रहेको सिडी एल्बममा गीतको रचना नेपाल भाषाका लोककवि राजभाई जकःमीले गरेका हुन् । सबै गीतमा राजु सिंहको संगीत तथा जुगल डंगोलको संगीत संयोजन रहेको छ । निकै मिठाे शैलीमा गीतमा स्वर दिएकाे संगीतकार सिंहले जनाए ।
सिंहको पनि एकल संगीत रहेको यो पहिलो नेपाल भाषाको गीतिसंग्रह हो । आफूले विगतमा नेपाल भाषाका गीत फुटकर रूपमा संगीत गर्दै आए पनि संग्रहमै एकल संगीत गर्न यसपटक जुरेको संगीतकार राजु सिंहले जनाए ।
जनकवि दुर्गालाल श्रेष्ठले लोककवि राजभाईका गीत निकै राम्रा र झर्रा शैलीका हुने गरेको जनाए । सबै गीतले आ—आफ्नै विशेष महŒव बोकेको पनि उनले जिकिर गरे ।
गायिका गंगादेवी नेपाली भाषा र नेपाल भाषामा गीत गाउँदै आएता पनि नेवार समुदायका स्थापित गायिकाकाे रूपमा भएकाेले पुन नेपाल भाषाको गीतिसंग्रह ल्याएको जनाइन् ।
