प्रचण्डलाई जुत्ता प्रहार गर्ने युवा प्रहरीकाे नियन्त्रणमा

जुम्लाका २२ वर्षीय युवक रतन तिरूवाले आज  दिउँसो राष्ट्रिय सभा गृहमा भरतमोहन अधिकारीको स्मृति सभालाई सम्बोधन गरिरहेका प्रचण्डलाई लक्षित गरी जुत्ता हानेका थिए।

रतन पूर्वमाओवादी कार्यकर्ताका छोरा भएको खुलेको छ। रतनका बुवा तत्कालीन माओवादीमा लागेका कारण ज्यान गुमाएका थिए।

‘प्रचण्ड आउने भएपछि भाषण सुन्न गएको थिएँ। उहाँले वर्गसंघर्षको कुरा गर्न थाल्नुभयो। पहिला उहाँले भन्ने कुरा र अहिलेको उहाँको अवस्था मिलेको छैन। मलाई चित्त बुझेन। अनि जुत्ता हानेको हुँ,’ उनले प्रहरीलाई दिएको बयानमा भनेका छन्।

उनले हानेको जुत्ता प्रचण्डलाई लागेन। तत्कालै त्यहाँ रहेका प्रहरीले उनलाई नियन्त्रणमा लिएका थिए। अहिले उनलाई महानगरीय प्रहरी वृत्त सिंहदरबारमा राखिएको छ।